आधारभूमि संवाददाता
काठमाडौ १ पुस
नेपाली काँग्रेसको महामन्त्री पदको मतगणना जारी छ । हालसम्मको मतगणनामा गगन थापाको अग्रता कायमै रहेको छ।
दिउँसमे १ बजेसम्म १५२० मतको गणना हुँदा गगन ९८५ मतका साथ पहिलो स्थानमा छन् । विश्वप्रकाशले ६०३ मत ल्याएर दोस्रो स्थानमा आफूलाई सुरक्षित राखेका छन् ।
त्यस्तै ड.प्रकाशशरण महत ४९१, प्रदीप पौडेल ४४७, मिनेन्द्र रिजाल २५४ र डा.राजाराम कार्की ४७ मत प्राप्त गर्नु भएको छ।
गत सोमबार दुई महामन्त्रीका लागि निर्वाचन भएको थियो । महामन्त्री पदमा पार्टीका युवा नेताहरु गगनकुमार थापा, डा।प्रकाशशरण महत, प्रदिप पौडेल, डा मीनेन्द्र रिजाल, डा राजाराम कार्की र विश्वप्रकाश शर्मा उम्मेदवार छन् ।
