आधारभूमि संवाददाता
काठमाडौं २९ मंसिर
नेपाली काँग्रेसको सभापति पदमा शेरबहादुर देउवा विजयी भएका छन् । काँग्रेसको १४ औं महाधिवेशनबाट देउवा दोस्रोपटक विजयी भएका हुन् । उनी पहिलोपटक १३ औं महाधिवेशनमा काँग्रेस सभापति बन्न सफल भएका थिए ।
देउवाले निकटतम प्रतिद्वन्द्वी डा शेखर कोइरालालाई पराजित गर्दै सभापतिमा निर्वाचित भएका हुन् । मतपरिणामअनुसार देउवाले २७३३ मत पाएर विजयी भए भने कोइरालाले १८५५ मत प्राप्त गरेर पराजीत भए ।
मंगलबार राति सवा ११ बजेदेखि सुरु भएको मतगणनामा देउवाले लगातार अग्रता बढाएका थिए । हिजो मंगलबार दिउँसो ३ः३० बजेदेखि सुरु दोस्रो चरणको मतदानबाट देउवा पहिलो भएका हुन् ।
काँग्रेसमा कुल मतदाता ४ हजार ७४३ जना भएपनि सबैजना उपस्थित भएका थिएनन् ।यस्तै ३५ मत बदर भएको निर्वाचन समितिले जनाएको छ ।
