आधारभूमि संवाददाता
काठमाडौ, मंसिर २८
मङ्गलबारदेखि सुरु हुने सङ्घीय संसद्दशौँ अधिवेशन अन्तर्गत प्रतिनिधिसभाको पहिलो बैठक आज बस्दै छ । बैठकमा सामाजिक सुरक्षा (पहिलो संशोधन) २०७८ अध्यादेश तथा सहित विभिन्न पाँच अध्यादेश पेश गर्ने कार्यसूची रहेको छ ।
राष्ट्रपति विद्यादेवी भण्डारीले मंगलबार दिउँसो २ बजे बस्ने गरी संघीय संसदको दुवै सदनको अधिवेशन आह्वान गरेकी हुन्। संसद सचिवालयले सार्वजनिक गरेको सम्भावित कार्यक्रममा ६ वटा अध्यादेश पेस गर्ने उल्लेख छ ।
बैठकमा बालकृष्ण खाँणले नेपाल प्रहरी र प्रदेश प्रहरी (कार्यसञ्चालन, सुपरिवेक्षण र समन्वय) (पहिलो संशोधन) अध्यादेश २०७८ पेस गर्ने जनाइएको छ ।
साथै बैठकमा तेजाब तथा अन्य घातक रासायनिक पदार्थ (नियमन) अध्यादेश २०७८ र सामाजिक सुरक्षा (पहिलो संशोधन) अध्यादेश २०७८ पेस गर्नेछन् । संसद सचिवालयका अनुसार भौतिक पूर्वाधारमन्त्री रेणुकुमारी यादवले रेल्वे अधयादेश २०७८ पेस गर्ने, कानुन, न्याय तथा संसदीय मामिलामन्त्री दिलेन्द्रप्रसाद बडुले यौन हिंसाविरुद्धका केही ऐनलाई संशोधन गर्ने अध्यादेश २०७८ र फौजदारी कसूर तथा फौजदारी कार्यविधिसम्बन्धी केही ऐन संशोधन गर्ने अध्यादेश पेश गर्ने कार्यसूची रहेको संसद सचिवालयले जनाएको छ ।
