आधारभूमि संवाददाता
काठमाडौं,२७ मङ्सिर
इटालियन सिरी (ए) फुटबलमा इन्टर मिलान शीर्ष स्थानमा उक्लिएको छ । आइतबार राति भएको खेलमा इन्टर मिलाले काग्लियारीलाई ४-० गोलले पराजित गरेको हो ।
इन्टर मिलानलाई जित दिलाउन लाउटारो मार्टिनेजले दुई गोल गरे भने एलेक्सिस सान्चेज र हाकन काल्हानोग्लुले एक-एक गोल गरे ।
खेलको २९ औँ मिनेटमा लाउटारो मार्टिनेजले गोल गर्दै टोलीलाई सुरुवाती अग्रता दिलाएका थिए ।
दोस्रो हाफको ५० औं मिनेटमा एलेक्सिस सान्चेजले गोल गर्दै टोलीलाई २-० ले अघि बढाए।
खेलको ६६ औं मिनेटमा हाकन काल्हानोग्लुले गोल गर्दै टोलीलाई ३-० ले अघि बढाए।
त्यसपछि खेलको ६८ औं लाउटारो मार्टिनेजले व्यक्तिगत दोस्रो गोल गर्दै टोलीलाई ४-० को सहज जित दिलाए ।
जितसंगै इन्टर मिलानले १७ खेलबाट ४० अंक जोडेको छ र शीर्ष स्थानमा उक्लिएको छ ।पराजित काग्लियारीको १७ खेलबाट दश अंक छ र १९ औं स्थानमा छ ।
