आधारभूमि संवाददाता
ललितपुर १८ मंसिर
नेकपा (एकिकृत समाजवादी)को पालीका अधिवेशन अन्तर्गत ललितपुरको महालक्ष्मी नगरपालिका वडा नं. ७ को युवासंघको अध्यक्षमा अमृत बस्नेत निर्वाचित भएका छन् । साथै २५ सदस्यीय वडा नंं. ७ कमिटी चयन भएका छन् ।
त्यस्तै अनेमसंको अध्यक्षमा मोनिका थापा निर्वाचित भएकी छिन् । निर्वाचन नेकपा (एकिकृत समाजवादी) स्थाई कमिटी सदस्य तथा केन्द्रीय निर्वाचन कमिटीका अध्यक्ष क. माधव पौडेलको प्रमुख आतिथ्यमा भएको थियो ।
यसैगरी अतिथिका रुपमा पार्टी केन्द्रिय सदस्य क. धीरेन्द्र श्रेष्ठ, अनेमसं नेपाल केन्द्रिय सदस्य तथा महालक्ष्मी नगरपालिकाकी उपमेयर क. निर्मला थापा, जिल्ला कमिटि सदस्यहरु, नगरकमिटी सदस्यहरु वडाका पार्टी सदस्यहरुको उपस्थिति सम्पन्न भएको थियो ।
नव गठित पदाधिकारीहरुलाई प्रमुख अतिथी लगायत अतिथिहरुले सफल कार्यकालको शुभकामना दिएका थिए ।
