आधारभूमि संवाददाता
काठमाडौ, मङ्सिर १५
बुधबार थप ३१६ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १२ हजार ७२७ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख २१ हजार ६५१ पुगेको छ ।
त्यस्तै पछिल्लो २४ घण्टामा पीसीआर विधिबाट १२ हजार ७२७ जनाको परीक्षण भएको छ । हालसम्म ४६ लाख ३३ हजार ४७९ जनाको पीसीआर परीक्षण गरिएको छ।
थप २५९ जना डिस्चार्ज
नेपालमा पछिल्लो २४ घण्टामा २५९ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या आठ लाख तीन हजार १६८ पुगेको छ ।
थप तीन को मृत्यु
पछिल्लो २४ घण्टामा तीन जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ५२९ पुगेको छ।
