आधारभूमि संवाददाता

काठमाडौ, मंसिर १४
पेरिस सेन्ट जर्मेन (पीएसजी) का अर्जेन्टाइन फरवार्ड मेस्सीले सातौं पटक बालोन डी’ओर अवार्ड जितेका छन् । सन् २०२१ को उत्कृष्ट खेलाडी बन्दै अर्जेन्टिनाका कप्तान मेस्सीले बालोन डी’ओर जितेका हुन् । मेस्सीले रोबर्ट लेवान्डोस्की र जोगिन्होलाई पछि पार्दै अवार्ड जितेका हुन् ।

मेसीको यो सातौं बालोन डी’ओर अवार्ड हो। मेस्सीले यस अघि सन् २००९ देखि १२ सम्म ,२०१५ र २०१९ मा गरी छ पटक अवार्ड जितेका थिए । मेस्सीपछि रोनाल्डोले ६ पटक अवार्ड जितेका छन् । यो अवार्ड विश्वभरका फुटबल टिमका कप्तान, प्रशिक्षक तथा खेल पत्रकारहरूको मतको आधारमा प्रदान गरिन्छ । यस्तै, महिलातर्फको अवार्ड बार्सिलोनाकी एलेक्सिया पुटेलासले जितिन् ।

जर्मन क्लब बायर्न म्युनिखका पोलिस फरवार्ड रोबर्ट लेवान्डोस्कीले स्ट्राइकर अफ दि इयर को ट्रफी प्राप्त गरे ।यस्तै क्लब अफ दि इयरको अवार्ड चेल्सीले जितेको छ ।इटालीका गोलकिपर जियानलुगी डोनारुम्माले यासिन ट्रफी हात पारे ।