आधारभूमि संवाददाता
काठमाडौ, मङ्सिर ११
शनिबार थप २१३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा छ हजार ६३२ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख २० हजार ७२४ पुगेको छ ।
त्यस्तै पछिल्लो २४ घण्टामा पीसीआर विधिबाट छ हजार ६३२ जनाको परीक्षण भएको छ । हालसम्म ४६ लाख ४ हजार ३९६ जनाको पीसीआर परीक्षण गरिएको छ।
थप ३२५ जना डिस्चार्ज
नेपालमा पछिल्लो २४ घण्टामा ३२५ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या आठ लाख दुई हजार ४७ पुगेको छ ।
थप तीन को मृत्यु
पछिल्लो २४ घण्टामा तीन जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ५२१ पुगेको छ।
