आधारभूमि संवाददाता
काठमाडौ, १९ कात्तिक
शुक्रबार थप १८३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा चार हजार ८४४ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख १४ हजार २८९ पुगेको छ ।
त्यस्तै पछिल्लो २४ घण्टामा पीसीआर विधिबाट चार हजार ८४४ जनाको परीक्षण भएको छ । हालसम्म ४४ लाख ४७ हजार ५०० जनाको पीसीआर परीक्षण गरिएको छ।
थप ६४९ जना डिस्चार्ज
नेपालमा पछिल्लो २४ घण्टामा ६४९ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या सात लाख ९४ हजार ४३८ पुगेको छ ।
थप दुई को मृत्यु
पछिल्लो २४ घण्टामा दुई जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ४३८ पुगेको छ।
