आधारभूमि संवाददात
काठमाडौँ, १७ कात्तिक
च्याम्पियन्स लिग फुटबलमा चेल्सीले जित निकालेको छ ।गएराति भएको खेलमा चेल्सीले माल्मोलाई उसैको घरेलु मैदानमा १-० गोलले पराजित गरेको हो ।
माल्मोको मैदानमा चेल्सीलाई जित दिलाउन हाकिम जियेचले विजयी गोल गरे ।जियेचले खेलको ५६ औँ मिनेटमा हडसन ओडोईको पासमा गोल गरेका हुन् ।
जितसँगै चेल्सी च्याम्पियन्स लिगको अन्तिम १६ को नजिक पुगेको छ ।चेल्सीले चार खेलबाट नौ अंक जोडेको छ र समूह (एच) को दोस्रो स्थानमा छ । पराजित माल्मो अंक विहीन पुछारमा छ ।
