काठमाडौ, कात्र्तिक १५

नेपाली निर्देशक अनुप थापाको लेखन तथा निर्देशन रहेको बलिउड चलचित्र ‘ये मर्द बिचरा’ को ट्रेलर सार्वजनिक भएको छ । चलचित्र नोभेम्बर १९ देखि भारत सहित अन्य केहि देशमा चलचित्र रिलिज हुदैछ । आफ्नो निर्देशनमा रहेको बलिउड चलचित्रलाई लिएर उत्साहित रहेको निर्देशक थापा बताउछन । चलचित्रले पुरुष पात्रको समस्यालाई रमाइलो शैलीमा देखाउन खोजेको छ ।

कमेडी शैलीको चलचित्रमा वीरज राव, मनुकृति पह्वा, मनिक्क चौधरी, सिमा पह्वा, ब्रिजेंद्र कला लगायतका कलाकारहरुको अभिनय देख्न सकिन्छ । यस्तै शिवम अग्रवाल निर्माता रहेको चलचित्रमा शकिल ए खानको छायांकन, सुन्दर पठुरीको सम्पादन, गौरवको भीएफएक्स, मजोजको कलर, गीतान्जली भारतीको कस्टूम डिजाइन देख्न सकिन्छ । चलचित्रलाई टुइडिएट म्युजिकले बजारमा ल्याउदै छ ।