आधारभूमि संवाददाता

काठमाडौ, १४ कात्तिक

आज सुनको मूल्य घटेको छ । शुक्रबार तोलामा ९२ हजारमा कारोवार भएको छापावाल सुन आज प्रतितोला ३०० ले घटेर ९१ हजार ७०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले घटेर ९१ हजार २०० मा कारोवार भएको छ । यस अघि शुक्रबार तेजावी सुन रु ९१ हजार ५०० मा कारोवार भएको थियो ।

आज चाँदीको मूल्य पनि प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु एक हजार २४० तोकेको छ । यस अघि मंगलबार चाँदी प्रतितोला रु एक हजार २४५ मा कारोबार भएको थियो ।