आधारभूमि संवाददता
काठमाडौं, १२ कार्तिक
सरकारले तीन देशका राजदूत नियुक्तिका लागि सिफारिस गरेको छ । बिहीबार बसेको मन्त्रिपरिषद बैठकले राजदुत सिफरीस गरेको हो ।
सरकारले डा. शंकर शर्मालाई भारत, ज्ञानचन्द्र आचार्य बेलायत र श्रीधर खत्रीलाई अमेरिकाको राजदूत नियुक्त गर्ने निर्णय गरी राष्ट्रपति विद्यादेवी भण्डारीसमक्ष सिफारिस गरेको एक मन्त्रीले वताए ।
मन्त्रिपरिषदले सिफारिस गरेको नाम राष्ट्रपतिबाट अनुमोदन भएपछि तीन देशका राजदूतावासमा नेपाली राजदुतको नेतृत्व हुनेछ ।
राजदूत नियुक्तिका सन्दर्भमा गठबन्धनका नेताहरुबीच छलफल भएको थियो । छलफलमा माओवादी र एकीकृत समाजवादीका नेताहरुले खाली रहेका सबै राजदूत एकैपटक सिफारिस गर्न प्रधानमन्त्रीलाई सुझाव दिएका थिए ।
सिफरीसमा परेका ज्ञानचन्द्र आचार्य परराष्ट्र सेवाबाट संयुक्त राष्ट्रसंघको स्थायी प्रतिनिधि नियुक्त भएका थिए । उनी राष्ट्रसघीय उपमहासचिव तहसम्म काम गरेर सेवा निवृत भएका थिए। त्यस्तै श्रीधर खत्री राजनीतिशास्त्रका प्राध्यापकहुन् । साथैे उनी परराष्ट्र मामिलाविज्ञ पनि हुन् । त्यस्तै डा. शंकर शर्मा पूर्व अमेरिकी राजदूत हुन् ।
