आधारभूमि संवाददात
काठमाडौं, ४ कार्तिक
यूईएफए च्याम्पियन्स लिग फुटबलमा चेल्सीले शानदार जित निकालेको छ ।बुधबार राति स्ट्यामफोर्ड ब्रिजमा भएको खेलमा चेल्सीले माल्मोलाई ४-० गोलले पराजित गरेको हो ।
चेल्सीलाई जित दिलाउन जोर्गिन्होले दुई गोल गरे भने एन्ड्रियास क्रिस्टेनसेन र काई हभार्टजले एक-एक गोल गरे ।
खेलको नवौं मिनेटमा एन्ड्रियास क्रिस्टेनसेनले गोल गर्दै चेल्सीलाई अग्रता दिलाएका थिए।
खेलको २१ औं मिनेटमा जोर्गिन्होले पेनाल्टीमा गोल गर्दै टोलीको अग्रता दोब्बर पारे ।
दोस्रो हाफको ४८ औं मिनेटमा काई हभार्टजले गोल गर्दै टोलीलाई ३-० ले अघि बढाए।
त्यसपछि खेलको ५७ औं मिनेटमा जोर्गिन्होले पेनाल्टीमा व्यक्तिगत दोस्रो गोल गर्दै टोलीलाई ४-० को जित दिलाए ।
जितसँगै चेल्सीले तीन खेलबाट छ अंक जोडेको छ र समूह (एच) को दोस्रो स्थानमा छ । पराजित माल्मो अंक विहिन पुछारमा छ ।
