काठमाडौं, मंसिर १५
गुराँस लघुवित्त वित्तीय संस्थाले चौथो बार्षिक साधारण सभा सम्पन्न गरेको छ । संस्थाले शनिवार संस्थाका अध्यक्ष उदयनारायण बरालको सभापतित्वमा बार्षिक साधारण सभा सम्पन्न गरेको हो ।
सभाले संचालक समितिको वार्षिक प्रतिवेदन, चुक्ता पूँजी सात करोड ७५ लाख रुपैयाँ मध्येबाट आठ दसमलव एक प्रतिसत लाभांस बितरण गर्ने प्रस्ताव पारित गरेको छ । सभाले सर्वसाधारण शेयरधनीहरुको तर्फबाट ओम प्रकाश प्रसाई र डा. प्रियंका कटवाललाई निर्विरोध संचालकमा निर्वाचित गरेको छ ।
हाल प्रदेश नं. १ अन्तर्गतका १० जिल्ला कार्यक्षेत्र रहेकोमा चार जिल्ला थप गरी प्रदेश नं. १ का सम्पूर्ण जिल्लाहरुमा कार्यक्रम विस्तार गर्ने गरी प्रदेश स्तरीय संस्था रहने निर्णय गरेको छ । संस्थाले हाल २६ वटा शाखा कार्यालय मार्फत १२ हजार भन्दा बढी विपन्न वर्गका परिवारलाई ७० करोड भन्दा बढी कर्जा प्रवाह गरी ११ करोड भन्दा बढी बचत परिचालन गरेको छ । बोनस शेयर वितरण पश्चात वित्तीय संस्थाको चुक्ता पुंजी आठ करोड ३४ लाख रुपैयाँ पुुग्ने छ ।
