आधारभूमि संवाददाता
काठमाडौं, असोज २६
जर्मनी आगामी वर्ष विश्वकपमा आयोजक कतारमा सामेल हुने पहिलो टिम बनेको छ ।युरोपियन छनोट अन्तर्गत सोमबार राति भएको खेलमा जर्मनीले नर्थ म्यासेडोनियालाई ४-० गोलले पराजित गरेको हो ।
जर्मनीलाई जित दिलाउन टिमो वर्नरले दुई गोल, काई हवेर्त्ज र जमाल मुसियालाले एक-एक गोल गरे ।
दोस्रो हाफको ५० औं मिनेटमा काई हवेर्त्जले गोल गर्दै टोलीलाई सुरुवाती अग्रता दिलाएका थिए ।
खेलको ७० औं मिनेटमा टिमो वर्नरले गोल गर्दै टोलीको अग्रता दोब्बर पारे ।लगत्तै ७३ औं मिनेटमा वर्नरले व्यक्तिगत दोस्रो गोल गर्दै टोलीलाई ३-० ले अघि बढाए।
त्यसपछि खेलको ८३ औं मिनेटमा जमाल मुसियालाले गोल गर्दै टोलीलाई ४-० को जित दिलाए ।
जितसँगै जर्मनीआगामी वर्ष विश्वकपमा आयोजक कतारमा सामेल हुने पहिलो टिम बनेको छ ।जर्मनीले आठ खेलबाट २८ अंक जोडेको छ र समूह (जे) को शीर्ष स्थानमा छ । पराजित नर्थ म्यासेडोनियाको आठ खेलबाट १२ अंक छ ।
