आधारभूमि संवाददाता
काठमाडौं, असोज २२
फिफा विश्वकप २०२२ कतार अन्तर्गत दक्षिण अमेरिका छनोटमा ब्राजिलले लगातार नवौं जित निकालेको छ ।
शुक्रबार बिहान भएको खेलमा ब्राजिलले भेनेजुएलालाई ३–१ गोलले पराजित गरेको हो ।
ब्राजिललाई जित दिलाउन मार्क्विन्होस,गेब्रियल बारबोसा र एन्टोनीले एक-एक गोल गरे।भेनेजुएलाका एरिक रामारेजले एक गोल गरे।
खेलमा पहिलो अग्रता भेनेजुएलाले लिएको थियो । खेलको ११ औं मिनेटमा एरिक रामारेजले गोल गर्दै भेनेजुएलालाई अग्रता दिलाएका थिए।
तर, खेलको ७१ औं मिनेटमा ब्राजिलका मार्क्विन्होसले गोल गर्दै खेल १-१ को बराबरीमा फर्काए ।
खेलको ८५ औं मिनेटमा गेब्रियल बारबोसाले पेनाल्टीमा गोल गर्दै ब्राजिललाई २-१ को अग्रता दिलाए ।
त्यसपछि इन्जुरी समयमा एन्टोनीले गोल गदै ब्राजिललाई ३-१ को जित दिलाए ।
जितसँगै ब्राजिलले ९ खेलबाट २७ अंक जोडेको छ र शीर्ष स्थानमा छ ।पराजित पेरुको ९ खेलबाट ४ अंक छ र पुछारमा छ ।
