काठमाडौ, असोज १९
भक्तपुरको आदर्शस्थित सूर्यविनायक हरित कृषि थोक बजार प्रालिमा सूर्यविनायक हरित कृषि थोक तथा दसैं तिहार सस्तो बजार २०७८ सोमबारदेखि सुरु भएको छ । बजार असोज १८ गतेदेखि २५ गतेसम्म हुनेछ । यस अवसरमा दैीनक साँंझ चार बजेदेखि सात बजेसम्म सांगेतिक कार्यक्रम पनि हुने जनाइएको छ ।
सूर्यविनायक हरित कृषि थोक बजार प्रालिका संस्थापक अध्यक्ष दसैं तिहारमा आवश्यक सवै सामान एउटै छानामुनि सजिलैसँंग पाउन सकिने बताए । साथसाथै दैनिक साँंझ साँंस्कृतिक कार्यक्रम हुने उनले जनाए ।दसैका लागि आवश्यक सवै सामान एउटै छानामुनि पाइयोस् भनेर वजार सञ्चालन गरेको उनले जनाए । अरुबेला तरकारी मात्रै पाइने यो बजारमा यस अवसरमा तरकारीका साथै नुनदेखि सुनसम्मका सवै सामानहरु सस्तो मूल्यमा पाइने जनाइएको छ ।
तरकारी बजारका व्यवस्थापक दिनेश खाताखोले मेलामा तरकारीका साथै लताकपडालगायतका सम्पूर्ण सामानहरु पाइने जनाए । साथसाथै बाल मेला पनि हुने उनले जनाए ।बजारमा प्रवेश भने निःशुल्क रहेको जनाइएको छ । केही महिना अगाडिदेखि त्यहाँं नेपालकै ठूलो तरकारी बजार सञ्चालित छ । अरनिको राजमार्गसँंग जोडिएको यो तरकारी बजार ३५ रोपनी क्षेत्रफलमा फैलिएको छ ।
सस्तो बजार २०७८ को उदघाटन साँंझ बजार रहेको भक्तपुरको सूर्यविनायक नगरपालिका वडा नं ८ का वडा अध्यक्ष किरण थापाले गरेका थिए । कार्यक्रममा नेपाल घरेलु तथा साना उद्योग महासंघका केन्द्रिय कोषाध्यक्ष सत्यनारायण प्रजापति, महानगरीय प्रहरी बृत जगाती भक्तपुर इन्सपेक्टर राजेश थापालगायतले उदघाटन मन्तव्य राखेका थिए । कार्यक्रमपछि साँंस्कृतिक साँंझ भएको थियो । त्यस क्रममा रक व्याण्डका कलाकारहरुले प्रस्तुति दिएका थिए ।
