काठमाडौ, असोज १२
स्थापनाकाल देखि नै निम्बस नयाँ दिशा तर्फ अघि बढिरहेको छ र आफ्नो क्षेत्रमा नयाँ प्रविधि आत्मसाथ गर्न अरुभन्दा अघि रहन्छ । अहिले यस कम्पनी सक्रिय रुपमा बजार परिक्षणमा रहेको छ र भेस्टगार्ड को जीरोफ्लाई प्रविधियुक्त नो–किरा वोराको उत्पादन शुरु गरेको छ ।
अन्न, बीज र दाललाई सुरक्षित भण्डारण गर्ने जीरोफ्लाई एक परिवर्तनकारी प्रविधि हो । साना तथा मझौला किसान र व्यापारीहरुलाई किरा प्रभावित स्थानमा पनि यस झोलामा भण्डारण गर्दा जोखिम हुदैन ।
नो–किरा वोरा ले किसान, व्यापारी र मिल सञ्चालकहरुलाई किरा रहित भण्डारण गर्ने सुविधा दिन्छ। यस झोलाको हरेक रेसामा रहेको किटनाशकले किरा लाग्नबाट जोगाउछ र उत्पादनको प्रभावकारिता वृद्धि गर्छ। यस झोला बनाउन प्रयोग गरिएको कच्चा पदार्थ विश्व खाद्य संगठन र विश्व स्वास्थ्य संगठन मान्यता प्राप्त हो । यसलाई कोडेक्स, अमेरिका र यूरोपियन यूनियनले खाद्य सुरक्षा भित्र वर्गीकृत गरेको छ । थुप्रै विकसित राष्ट्रहरूमा आफ्नो प्रभावकारिता देखाइसकेको यो उच्च प्रविधि १० वर्षको अनुसन्धान र विकासको प्रतिफल हो ।
नो–किरा झोलाहरु बीउ र अन्नहरुमा हुने घाटालाई कम गर्छ । कम्पनीलाई विश्वास छ यस उत्पादनले नेपाली बजारमा छिटै स्थापित गर्नेछ । यो झोला चाडै नै २५, ३५ र ५० किलोमा उपलब्ध हुने छ ।
