आधारभूमि संवाददाता
काठमाडौ, २ असोज
इंग्लिस प्रिमियर लिग फुटबलमा लिभरपुलले सहज जित निकालेको छ।घरेलु मैदानमा शनिबार भएको खेलमा लिभरपुलले क्रिस्टल प्यालेसलाई ३-० गोलले पराजित गरेको हो ।
लिभरपुललाई जित दिलाउन साडियो माने ,मोहम्मद सलाह,र नबी केइटाले एक-एक गोल गरे ।
खेलको ४३ औँ मिनेटमा साडियो मानेले गोल गर्दै टोलीलाई सुरुवाती अग्रता दिलाएका थिए।
दोस्रो हाफको ७८ औँ मिनेटमा मोहम्मद सलाहले गोल गर्दै टोलीलाई २-० ले अघि बढाए।
त्यसपछि खेलको ८९ औँ मिनेटमा नबी केइटाले गोल गर्दै टोलीलाई ३-० को सहज जित दिलाए ।
जितसँगै लिभरपुलले पाँच खेलबाट १३ अंक जोडेको छ र तालिकाको शीर्ष स्थानमा उक्लिएको छ ।पराजित क्रिस्टल प्यालेसको पाँच खेलबाट पाँच अंक छ र तालिकाको १३ औँ स्थानमा छ ।
