आधारभूमि संवाददाता
काठमाडौँ, ३० भदौ
च्याम्पियन्स लिग फुटबलमा युभेन्ट्सले जितसँगै नयाँ सिजनको सुखद सुरुवात गरेको छ ।मंगलबार राति भएको नयाँ सिजनको पहिलो खेलमा युभेन्ट्सले माल्मोलाई ३-० गोलले पराजित गरेको हो ।
युभेन्ट्सलाई जित दिलाउन एलेक्स स्यान्ड्रो,पाउलो डिबाला र अल्वारो मोराटाले एक एक गोल गरे ।
खेलको २३ औं मिनेटमा एलेक्स स्यान्ड्रोले गोल गर्दै युभेन्ट्सलाई सुरुवाती अग्रता दिलाएका थिए ।
खेलको ४५ औं मिनेटमा पाउलो डिबालाले पेनाल्टीमा गोल गर्दै टोलीको अग्रता दोब्बर पारे ।
त्यसपछि पहिलो हाफको इन्जुरी समयमा अल्वारो मोराटाले गोल गर्दै युभेन्ट्सलाई ३-० सहज को जित दिलाए ।
जितसँगै समुह (एच) मा रहेको युभेन्ट्सले लिगको पहिलो खेलमा महत्वपूर्ण ३ अंक जोडेको छ ।
