आधारभूमि संवाददाता
काठमाडौं, भदौं २७

इंग्लिस प्रिमियर लिग फुटबलमा म्यानचेस्टर सिटीले जित निकालेको छ। शनिवार राति भएको खेलमा म्यानचेस्टर सिटीले लेस्टर सिटीलाई १-० गोलले पराजित गरेको हो ।

म्यानचेस्टर सिटीलाई जित दिलाउन बर्नार्डो सिल्भाले विजयी गोल गरे ।सिल्भाले खेलको ६२ औँ मिनेटमा गोल गरेका हुन् ।

जितसंगै सिटीले चार खेलबाट नौ अंक जोडेको छ र तालिकाको तेस्रो स्थानमा छ। पराजित लेस्टर सिटीको चार खेलबाट छ अंक छ र तालिकाको नवौं स्थानमा रहेको छ।