आधारभूमि संवाददाता
काठमाडौं, भदौं २७
इंग्लिस प्रिमियर लिग फुटबलमा चेल्सीले सहज जित निकालेको छ। शनिवार राति भएको खेलमा चेल्सीले एस्टन भिल्लालाई ३-० गोलले पराजित गरेको हो ।
चेल्सीलाई जित दिलाउन रोमेलु लुकाकुले दुई गोल गरे भने माटियो कोभासिचले एक गोल गरे ।
खेलको १५ औँ मिनेटमा रोमेलु लुकाकुले गोल गर्दै टोलीलाई सुरुवाती अग्रता दिलाएका थिए।
दोस्रो हाफको ४९ औँ मिनेटमा माटियो कोभासिच गोल गर्दै टोलीलाई २-० ले अघि बढाए।
त्यसपछि इन्जुरी समयको तेस्रो मिनेटमा लुकाकुले व्यक्तिगत दोस्रो गोल गर्दै टोलीलाई ३-० को सहज जित दिलाए ।
जितसँगै चेल्सीले चार खेलबाट दश अंक जोडेको छ र तालिकाको दोस्रो स्थानमा उक्लिएको छ ।पराजित एस्टन भिल्लाको चार खेलबाट चार अंक छ र तालिकाको १२औँ स्थानमा छ ।
