आधारभूमि संवाददाता
काठमाडौँ, १८ भदौ
फिफा विश्वकपको यूरोपियन छनोटमा जर्मनीले सहज जित निकालेको छ ।बिहिबार राति भएको खेलमा जर्मनीले लिक्टेन्सटाइनलाई २-० गोलले पराजित गरेको हो ।
जर्मनीलाई जित दिलाउन टिमो वर्नर र लेरो सानेले एक-एक गोल गरे ।जर्मनीले एक गोल पहिलो हाफ र अर्को गोल दोस्रो हाफमा गरेको हो ।
खेलको ४१ औं मिनेटमा टिमो वर्नरले गोल गर्दै जर्मनीलाई अग्रता दिलाएका थिए।
त्यसपछि दोस्रो हाफको ७७ औं मिनेटमा लेरो सानेले गोल गर्दै जर्मनीलाई २-० को जित दिलाए ।
जितसँगै जर्मनीले ४ खेलबाट ९ अंक जोडेको छ र समूह (जे) को दोस्रो स्थानमा छ । पराजित लिक्टेन्सटाइनको अंक विहीन तालिकाको पुछारमा छ।
