आधारभूमि संवाददाता
काठमाडौं, भदौ १४
फ्रेन्च लिग वान फुटबलमा पेरिस सेन्ट जर्मेन (पीएसजी) ले जित निकालेको छ।आईतबार राति लियोनल मेस्सीको डेब्यु खेलमा पीएसजीले रेइम्सलाई २–० गोल अन्तरले पराजित गरेको हो ।
पीएसजीलाई जित दिलाउन केलियन एम्बाप्पेले दुई गोल गरे । एम्बाप्पेले एक गोल पहिलो हाफ र एक गोल दोस्रो हाफमा गरेका हुन् ।
खेलको १६औँ मिनेटमा केलियन एम्बाप्पेले गोल गर्दै टोलीलाई अग्रता दिलाएका थिए।
त्यसपछि खेलको ६३ औं मिनेटमा एम्बाप्पेले व्यक्तिगत दोस्रो गोल गर्दै टोलीलाई २-० को जित दिलाए ।
जितसँगै पीएसजीले १२ अंक जोडेको छ र तालिकाको शीर्ष स्थानमा छ ।पराजित रेइम्सको तीन अंक छ र तालिकाको १७ औं स्थानमा छ ।
