काठमाडौ, भदौ १०
ट्राफिक प्रहरीले गोकर्णेश्वरबाट स्कुटर चोरीमा संलग्न एक जनालाई स्कुटर चोरी गरि भाग्दै गर्दा पक्राउ गरेको छ । महाशाखाको सादा पोसाकमा खटिएको ट्राफिक टोलीले बा ७० प ५०५३ नम्वरको हरियो रंङको डिओ स्कुटर लिई हिडिरहेको अवस्थामा गोकर्णेश्वरको अर्याल गाउँबाट चालकसहित नियन्त्रणमा लिएको जानकारी ट्राफिक महाशाखाका प्रमुख प्रहरी वरिष्ठ उपरीक्षक जनक भट्टराईले दिएकाछन ।
पक्राउ पर्नेमा सिराहा कर्जना नगरपालिका वडा नं. २ भुल्के घर भई काठमाण्डौ गौरीघाट बस्ने २४ वर्षिय अर्पण महत रहेको महाशाखाले जनाएको छ । उक्त स्कुटर धनी काभ्रे पाँचखाल घर भई गोकर्णेश्वर नयाँबस्ती बस्ने प्रविन श्रेष्ठले ९ गते अन्दाजी १२ बजे हराएको भनी हुलिया जानकारी दिएका थिए भने सोही सुचनाको आधारमा खोजतलास गर्दै जाँदा उक्त स्कुटर फेला परेको हो । अनुसन्धानको क्रममा उक्त मोटरसाईकलको वास्तविक नं. परिबर्तन गर्ने अवसरको खोजी गर्दै हिडेको अबस्थामा दिउसो ४ बजे महत पक्राउ परेका हुन ।
स्कुटर धनी श्रेष्ठको निवेदनका आधारमा स्कुटरसहित मानिसलाई थप अनुसन्धान एव कारवाहीको लागि महानगरीय प्रहरी वृत्त, बौद्ध पठाईएको महाशाखाका प्रवक्ता एसपी संजिव शर्मा दासले जानकारी दिए ।
