आधारभूमि संवाददाता
काठमाडौ, भदौ ८
मंगलबार थप २ हजार ५२५ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १४ हजार ८१० जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या सात लाख ५१ हजार एक पुगेको छ ।
त्यस्तै पछिल्लो २४ घण्टामा पीसीआर विधिबाट १४ हजार ८१० जनाको परीक्षण भएको छ । हालसम्म ३८ लाख ४९ हजार ३०४ जनाको पीसीआर परीक्षण गरिएको छ।
थप २०८६ जना डिस्चार्ज
नेपालमा पछिल्लो २४ घण्टामा २०८६ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या सात लाख दुई हजार १८३पुगेको छ ।
थप ३५ को मृत्यु
पछिल्लो २४ घण्टामा ३५ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या १० हजार ५६८ पुगेको छ।
