आधारभूमि संवाददाता
काठमाडौ, साउन ३०
इंग्लिस प्रिमियर लिग फुटबलको नयाँ सिजनको पहिलो खेलमा आर्सनल पराजित भएको छ ।
घरेलु मैदानमा शुक्रबार राति भएको खेलमा ब्रेनफोर्डले आर्सनललाई २-० गोलले पराजित गरेको हो।
ब्रेनफोर्डलाई जित दिलाउन सर्जी क्यानोस र क्रिश्चियन नर्गर्डले एक-एक गोल गरे ।
खेलको २२ औँ मिनेटमा सर्जी क्यानोसले गोल गर्दै टोलीलाई सुरुवाती अग्रता दिलाएका थिए।
त्यसपछि दोस्रो हाफको ७३ औँ मिनेटमा क्रिश्चियन नर्गर्डले गोल गर्दै टोलीलाई २-० को सहज जित दिलाए ।
जितसँगै ब्रेन्टफोर्डले तीन अंक जोडेको छ र तालिकाको शीर्ष स्थानमा छ ।पराजित आर्सनल अंक विहीन तालिकाको पुछारमा छ ।
