आधारभूमि संवाददाता
काठमाडौ, साउन ३०
साविक विजेता जर्मन बायर्न म्युनिख जर्मन बुन्डेसलिगा फुटबलको नयाँ सिजनको पहिलो खेलमा बराबरीमा रोकिएको छ ।शुक्रबार राति भएको खेलमा बायर्न म्युनिख बोरुसिया मोन्चेनग्लाडबाखसँग १-१ को बराबरीमा रोकिएको हो।
खेलमा बायर्नको लागि रोबर्टो लेवान्डोस्कीले एक गोल गरे भने बोरुसिया मोन्चेनग्लाडबाखका अलासेन प्लिआले एक गोल गरेका थिए।
खेलमा पहिलो अग्रता बोरुसिया मोन्चेनग्लाडबाखले लिएको थियो । खेलको दशौं मिनेटमा बोरुसिया मोन्चेनग्लाडबाखका अलासेन प्लिआले गोल गर्दै सुरुवाती अग्रता दिलाएका थिए ।
तर, खेलको ४२ औँ मिनेटमा बायर्नका रोबर्टो लेवान्डोस्कीले गोल गर्दै खेल बराबरीमा फर्काए ।
बराबरीसँगै बायर्नले पहिलो खेलमा एक अंक जोडेको छ ।मोन्चेनग्लाडबाखको पनि पहिलो खेलमा एक अंक छ ।
