आधारभूमि संवाददाता
काठमाडौँ, २६ साउन
मंगलबार एकै दिन ४ हजार ९०४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १९ हजार १२३ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या सात लाख २० हजार ६८० पुगेको छ ।
त्यस्तै पछिल्लो २४ घण्टामा पीसीआर विधिबाट १९ हजार १२३ जनाको परीक्षण भएको छ । हालसम्म ३७ लाख ७ हजार ३९६ जनाको पीसीआर परीक्षण गरिएको छ।
थप २११५ जना डिस्चार्ज
नेपालमा पछिल्लो २४ घण्टामा २११५ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या छ लाख ७३ हजार १९८ पुगेको छ ।
थप ३५ को मृत्यु
पछिल्लो २४ घण्टामा ३५ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या दस
हजार १५० पुगेको छ।
