आधारभूमि संवाददाता
काठमाडौं,२६ साउन

आज सुनको मूल्य बढेको छ । सोमबार तोलामा ८९ हजारमा कारोवार भएको छापावाल सुन आज प्रतितोला २०० ले बढेर ८९ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले बढेर ८८ हजार ७५० मा कारोवार भएको छ । यस अघि सोमबार तेजावी सुन रु ८८ हजार ५५० मा कारोवार भएको थियो ।

आज चाँदीको मूल्य पनि प्रतितोला रु १० ले घटेको छ । आज महासङ्घले चाँदीको मूल्य प्रतितोला रु एक हजार २०५ तोकेको छ । यस अघि सोमबार चाँदी प्रतितोला रु एक हजार २१५ मा कारोबार भएको थियो ।