आधारभूमि संवाददाता

काठमाडौ, साउन २५

आज पनि सुनको मूल्य घटेको छ । आइतबार तोलामा ९० हजारमा कारोवार भएको छापावाल सुन आज प्रतितोला एक हजारले घटेर ८९ हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला एक हजारले घटेर ८८ हजार ५५० मा कारोवार भएको छ । यस अघि आइतबार तेजावी सुन रु ८९ हजार ५५० मा कारोवार भएको थियो ।

आज चाँदीको मूल्य पनि प्रतितोला रु २५ ले घटेको छ । आज महासङ्घले चाँदीको मूल्य प्रतितोला रु एक हजार २१५ तोकेको छ । यस अघि आइतबार चाँदी प्रतितोला रु एक हजार २४० मा कारोबार भएको थियो ।