आधारभूमि संवाददाता

काठमाडौ, साउन १८

आज पनि सुनको मूल्य घटेको छ । आइतबार तोलामा ९२ हजार ४०० मा कारोवार भएको छापावाल सुन आज प्रतितोला १०० ले घटेर ९२ हजार ३०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ प्रतितोला १०० ले घटेर ९१ हजार ८०० मा कारोवार भएको छ । यस अघि आइतबार तेजावी सुन रु ९२ हजार ९०० मा कारोवार भएको थियो ।

आज चाँदीको मूल्य भने स्थिर रहेको छ । आज पनि महासङ्घले चाँदीको मूल्य प्रतितोला रु एक हजार २८५ तोकेको छ ।