आधारभूमि संवाददाता
काठमाडौ, साउन १७
जर्मन क्लब बायर्न म्युनिखले प्रि-सिजन तयारी अन्तर्गत भएको मैत्रीपूर्ण खेलमा हार ब्यवरेको छ ।शनिबार राति भएको खेलमा नापोलीले बायर्न म्युनिखलाई ३-० गोलले पराजित गरेको हो ।
नापोलीलाई जित दिलाउन भिक्टर ओसिम्हेनले दुई गोल गरे भने जिनेदिन मचाचले एक गोल गरे। नापोलीले सबै गोल दोस्रो हाफमा गरेको हो ।
खेलको ६९ औं मिनेटमा भिक्टर ओसिम्हेनले गोल गर्दै टोलीलाई सुरुवाती अग्रता दिलाएका थिए।
लगत्तै ७१ औं मिनेटमा भिक्टर ओसिम्हेनले व्यक्तिगत दोस्रो गोल गर्दै टोलीलाई २-० ले अघि बढाए।
त्यसपछि खेलको ८५ औं मिनेटमा जिनेदिन मचाचले गोल गर्दै टोलीलाई ३-० को सहज जित दिलाए ।
