काठमाडौं, मंसिर १०
काठमाडौं महानगरपालिका ३२ कोटेश्वर जडिबुटीबाट अवैध लागूऔषध चरेश एक केजी दुुई सय ग्राम सहित भक्तपुर गट्ठाघर बस्ने ओखलढुङगा चम्पादेवी गाउँपालिका १० घर भएका २६ वर्षीय शिव प्रसाद ढुङगेललाई सोमबार दिउँसो प्रहरीले पक्राउ गरेको छ । महानगरीय प्रहरी वृत्त बानेश्वरबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको हो ।
ललितपुरको ललितपुर महानगरपालिका २ सानेपाबाट अवैध लागूऔषध पोल्याण्ड एक केजी तीन सय ९५ ग्राम, अवैध लागूऔषध गाँजा एक सय ६० ग्राम र गाँजाको हरियो बोट चार वटा सहित तीन जनालाई सोमबार दिउँसो प्रहरीले पक्राउ गरेको छ । पक्राउ पर्नेहरुमा सानेपा बस्ने ३५ वर्षीय साइमन श्रेष्ठ, २२ वर्षीय रुपक तुलाधर र २२ वर्षीय आकाश तामाङ रहेका छन् । महानगरीय प्रहरी प्रभाग पुल्चोकबाट खटिएको प्रहरीले उनीहरुलाई उक्त परिमाणको लागूऔषध सहित फेला पारी पक्राउ गरेको हो ।
रुकुम(पूर्व), भुमे गाउँपालिका ४ धौलापैराबाट अवैध लागूऔषध चरेश जस्तो देखिने कालो पदार्थ अन्दाजी २ केजी ५ सय ग्राम सहित दुुई जनालाई सोमबार दिउँसो प्रहरीले पक्राउ गरेको छ । पक्राउ पर्नेहरुमा भुमे गाउँपालिका ३ क्याङ्सी बस्ने २७ वर्षीय तारा रोका र भुमे गाउँपालिका ६ महत बस्ने तिलक पुन मगर रहेका छन् । जिल्ला प्रहरी कार्यालयबाट खटिएको प्रहरीले उनीहरुलाई उक्त पदार्थ सहित फेला पारी पक्राउ गरेको हो ।
पर्साको वीरगंज महानगरपालिका १६ रजतजयन्ती चौकबाट नियन्त्रित लागूऔषध नाईट्राभेट ४५ ट्याब्लेट सहित ३ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरुमा बारा कलैया उपमहानगरपालिका बस्ने साब हुसेन, अमरुदिन मियाँ र पर्सा पोखरिया नगरपालिका ८ बस्ने महमद मुर्तुजा रहेका छन् । लागूऔषध नियन्त्रण ब्यूरो वीरगंज पर्साबाट खटिएको प्रहरीले ना.३८ प ४३४४ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त परिमाणको लागूऔषध सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको जानकारी दिएको छ ।
