काठमाडौं, फागुन २५
राष्ट्रिय स्वतन्त्र पार्टी (रास्वपा) का वरिष्ठ नेता तथा पूर्वकाठमाडौं महानगरपालिका प्रमुख बालेन्द्र साह (बालेन) ले प्रतिनिधिसभा सदस्य निर्वाचन प्रयोजनमा भएको कुल खर्च विवरण निर्वाचन आयोगलाई बुझाएका छन् ।
फागुन २१ गते सम्पन्न भएको निर्वाचनमा झापा–५ बाट अत्यधिक मतान्तरले विजयी भएका शाहले सोमबार निर्वाचन कार्यालय झापामा उक्त विवरण पेस गरेका हुन् ।
प्रतिनिधिसभा सदस्य निर्वाचन ऐन २०७४ बमोजिम बुझाइएको विवरणअनुसार उनले विभिन्न शीर्षकमा जम्मा १४ लाख १७ हजार २८९ रुपैयाँ खर्च भएको उल्लेख गरेका छन् ।
