आधारभुमि संबाददाता/ १० असार, ललितपुर
ललितपुरको महालक्ष्मी नगरपालिका–५ टिकाथली ठटिकोटमा करेन्ट लागेर एक व्यक्तिको मृत्यु भएको छ ।
मृत्यु हुनेमा ६४ वर्षीय आशाकाजी महर्जन छन् । करेन्ट लागेर मंगलबार बिहान महर्जनको मृत्यु भएको प्रहरीले बताएको छ ।
निर्माणाधीन घरको जग खनेको खाल्टोमा जमेको पानी तान्ने क्रममा करेन्ट लागेर उनी गम्भीर घाइते भएका थिए ।
उपचारको लागि अस्पतालतर्फ लैजाने क्रममा बाटोमै उनको मृत्यु भएको प्रहरीले बताएको छ ।
