काठमाडौं, फागुन ७
पाठेघरको मुखको क्यान्सरविरुद्धको एचपीभी खोप अभियान अन्तर्गत १४ लाख ३० हजार किशोरीले खोप लगाएका छन् । सरकारले गत माघ २२ गतेदेखि फागुन ६ गतेभित्र १४ लाख ३० हजार किशोरीले खोप लगाएका हुन् ।
दुई सातको अभियानमा सरकारले अभियानमा १७ लाख किशोरीलाई खोप दिने लक्ष्य राखिएको थियो । तर सो मार्फत करिब ९२ प्रतिशत किशोरीले खोप लगाएका हुन् । कारणवश खोप लगाउन छुटेका र लगाउन खोज्नेलाई खोप लगाइदिने स्वास्थ्य सेवा विभागअन्तर्गत बाल स्वास्थ्य तथा खोप शाखाका प्रमुख डा. अभियान गौतमले बताए ।
हिमाली क्षेत्रमा हिउँ परेका कारण हुम्ला, डोल्पा, मनाङ र मुस्ताङ खोप लगाउन नसकेको उनले बताए । फागुनको अन्त्यसम्म खोप लगाइने उनले बताए ।
अभियानका क्रममा कक्षा ६ देखि १० सम्म अध्ययनरत छात्रा र १० देखि १४ वर्षका किशोरीलाई स्थानीय तहमा रहेका केन्द्रहरूमार्फत खोप प्रदान गरिएको छ ।
