काठमाडौं, माघ २४
नौं महिनादेखि युक्रेनी सेनाको कब्जामा रहेका दुई नेपालीको उद्धार भएको छ।
तेह्रथुमका २९ वर्षीय फुर्वा शेर्पा र दोलखाका ३९ वर्षीय शेर साम्बो शेर्पा गत मे महिनादेखि युक्रेनको मिकोलाइटस्थित एमसिसी डिटेन्सन केन्द्रमा थिए।
उनीहरू दुवैको उद्धार भइसकेको र शुक्रबार नेपाल ल्याइने गैर आवासीय नेपाली संघ (एनआरएनए)का अध्यक्ष बद्री केसीले जानकारी दिएका छन्।
दलालको प्रलोभनमा परी उनीहरू नयाँ दिल्लीस्थित एक एजुकेसन कन्सल्टेन्सीमार्फत तीन महिनाको विद्यार्थी भिसामा युक्रेन पुगेका थिए।
