ललितपुर, पुस २१
नेपाल पत्रकार महासंघ ललितपुर जिल्ला शाखाको नवनिर्वाचित कार्य समितिलाई पद हस्तान्तरण तथा निवर्तमान कार्य समितिको विधाइ कार्यक्रम सम्पन्न भएकाे छ ।
कार्यक्रमका प्रमुख अतिथि राष्ट्रियसभाका अध्यक्ष नारायणप्रसाद दाहालले सुशासन र आर्थिक समृद्धिका लागि पत्रकारको भूमिका महत्वपूर्ण हुने भएकाले थप क्रियाशीलताका लागि आग्रह गर्नुभएको छ ।
उनले समाज रूपान्तरणमा पत्रकारको भूमिकाको प्रशंसा गर्दै जिम्मेवारीअनुसार भूमिका निर्बाहका लागि आग्रह गर्नुभयो ।
नेपाल पत्रकार महासङ्घका अध्यक्ष निर्मला शर्माले नागरिक संस्थाको रूपमा महासङ्घको उचाइ र मर्यादालाई ध्यान दिनुपर्नेमा जोड दिनुभयो ।
महासङ्घ ललितपुर शाखाका अध्यक्ष रामहरि कार्कीले पत्रकारको हकहित र जिल्लामा सञ्चालित स्वरोजगारमूलक मिडियाको व्यवस्थापनका लागि सहजीकरण गर्ने बताए ।
