काठमाडौं, पुस १

नेपाल राष्ट्र बैंकको बैंकिङ र मुद्रा व्यवस्थापन विभागले आजदेखि थापाथलीस्थित कार्यालयबाट सेवा सुरु गरेको छ । नयाँ भवन निर्माण सम्पन्न भएपछि पहिलो चरणमा बैंकिङ र मुद्रा व्यवस्थापन विभागको सेवा थापाथलीबाट सुरु गरिएको हो ।

२०७२ सालको भूकम्पले थापाथलीस्थित कार्यालय भत्किएपछि राष्ट्र बैंकको सबै विभागका सेवा बालुवाटारस्थित कार्यालयमा सरेको थियो ।

आज (पुस १)देखि बैंकिङ र मुद्रा व्यवस्थापन विभाग थापाथली स्थानान्तरण गरिने सूचना गत साता नै जारी गरिएको थियो ।