धन बोहरा डोटी, मंसिर १७
डोटीको पुर्वीचौकी गाउँपालिका ६ मा भएको उपनिर्वाचनमा ८३९मत खसेको छ । १ हजार ५ सय ९३मतदाता संख्या रहेको उक्त वडामा मतदानका लागी ३ वटा मतदान केन्द्र तोकिएको थियो ।
जसमा शारदा आधारभूत विद्यालय मतदान केन्द्रमा: १०१,शिशु सुधार माध्यामिक विद्यालय ( क) मा३३७ र शिशु सुधार माध्यामिक विद्यालय(ख)मा :३६१मत गरी जम्मा: ८३९मत खसेको छ।जुन कुल मतदाता संख्याको५२.७ % मत हो । बिहान ७ बजेबाट सुरु भएको निर्वाचन शान्तिपूर्ण तरिकाले सम्पन्न भएको मुख्य निर्वाचन अधिकृत रुद्रमणी गिरीले जानकारी दिनुभएको छ ।
निर्वाचन सम्पन्न भएसंगै केहीबेरमा सर्वदलीय बैठक बसेर त्यसपछि मत गणना सुरु गरिने मुख्य निर्वाचन अधिकृत गिरीले बताउनु भएको छ। वडाध्यक्षको उपनिर्वाचनका लागि कांग्रेसबाट मोहन थापा एमालेका देव थापा माओवादी केन्द्रका देवीलाल थापा र राष्ट्रिय स्वतन्त्र पाटी रास्वपाकी जानकी खड्का कुवरबिच प्रतिस्पर्धा हुँदैछ।
