ललितपुर, कार्तिक ११
अविरल वर्षाले महालक्ष्मी नगरपालिका १० ठूलो क्षति भएको थियो । असोज ११ र १२ गते आएको अविरल वर्षाको कारणले बाढी पहिरोले तहसनह भएको थियाे ।
पहिरोले बाटो बन्द भएको ९ दिनमा सबै बाटो खुल्लाएको वडा अध्यक्ष विजय लामाले जानकारी दिए । यस वडामा भौतिक रुपमा ठूलो क्षति भएको र मानविय क्षति चाहि नभएको बताए । पहिरोले गर्दा १५३ घरमा खानेपानी समस्या रहेको बताउँदै सकेसम्म तिहारको लागि सबैमा खानेपानी पुर्याउने बताए । यस वडामा खेतीयोग्य जमिनमा पनि ठूलो क्षति भएको पाइन्छ ।
बागमती प्रदेशका मुख्य मन्त्री बहादुर सिं लामा क्षति अनुगमन तथा निरीक्षण गर्ने क्रममा वडा अध्यक्ष लामाले १३ बुंदे ज्ञापन पत्र साथै क्षति पूर्तिको विवरण पनि बुझाएको थियो । उनले सडक मर्मत तथा पुनः निर्माण, घरबारविहिन परिवारको लागि राहत, स्थायी पुनस्र्थापनाको योजना, सुरक्षात्मक पूवाधारको निर्माण, स्वास्थ्य सेवा पुनस्थापना र क्षतिपूर्तिको व्यवस्था जस्ता कुरा मुख्य मन्त्रीलाई ध्यानाकर्षण गराएका थिए ।
विभिन्न संघसंस्था, राजनितिकदल र वडाको सहयोगमा राहत वितरण गरेको जानकारी दिए ।
