काठमाडौं, भदाै १४
पाँचथरको फालेलुङ गाउँपालिका-५ प्राङबुङमा विस्फोट हुँदा २ बालबालिकाको मृत्यु भएको छ ।
बिहीबार अपराह्न साढे ३ बजे विस्फोट हुँदा २ जनाको मृत्यु भएको भएको जिल्ला प्रहरी कार्यालय पाँचथरले जनाएको छ ।
मृत्यु हुनेमा ११ वर्षीय दिप्सन साँवा र २ वर्षीया प्रिन्सा साँवा रहेकी छन्। दुवैको उपचारका क्रममा मृत्यु भएको जिल्ला प्रहरी कार्यालय पाँचथरका प्रमुख डिएसपी हेमन्त भण्डारीले जानकारी दिए ।
विस्फोटमा घाइते घाइते ११ वर्षीय पवन राईको जिल्ला अस्पताल पाँचथरमा र सात वर्षीय अर्का एक बालकको स्थानीय स्वास्थ्य चौकीमा उपचार भइरहेको छ।
पाँचथरका प्रमुख जिल्ला अधिकारी विष्णु प्रसाद कोइरालाले उक्त वस्तु ह्यान्डमेड ग्रिनेड हुनसक्ने बताए। विस्फोटक पदार्थ कहाँबाट आयो भन्नेमा अनुसन्धान भइरहेको प्रहरीले जनाएको छ ।
