काठमाडौं, भदाै ९

भारतमा नेपाली तीर्थयात्री सवार बस दुर्घटना भएको छ ।भारतको बिहार राज्यको समस्तीपुरमा आइतबार बिहान ना७ख ६४४६ नम्बरको बस दुर्घटना भएको हो ।

बारा जिल्लाको बारागढी गाउँपालिका वडा नम्बर ३, मूर्तिपालियाबाट बोलबम तीर्थयात्राका लागि गएको बस दुर्घटना भएको पालिका अध्यक्ष अशोककुमार जैलसवालले जानकारी दिए ।

नेपाली तीर्थयात्री सवार बसलाई एउटा ट्रकले ठक्कर दिँदा बसको एक्सल भाँचिएर सडकमै पल्टिएको भारतीय सञ्चारमाध्यमले जनाएका छन् । सो दुर्घटनामा कम्तीमा २५ जना तीर्थयात्री घाइते भएका छन् । बसमा ४३ यात्री सवार रहेको जनाइएको छ ।