काठमाडौं, भदाै ३
नयाँ गीत “पहाडकी रानी” सार्वजनिक भएको छ । उदयराज शर्माकोे शब्द,संगीत र स्वर रहेको “पहाडकी रानी” बोलको गीतको म्यूजिक भिडियो सिने सँगालो युटुब च्यानलबाट शनिवार सार्बजनिक भएको हो ।
गीतले प्रकृति र नारीलाई समानरुपमा प्रस्तुत गर्ने प्रयास गरेको देखिन्छ । गीतमा “पहाडकी रानी” भनेर पहाडको कुनै सुन्दर भुभाग र पाडकी कुनै सुन्दरी युबती दुबैलाई एकैसाथ सम्बोधन गरेको देखीन्छ । पहाडका हरियालीलाई युवतीको पहिरनसँग तुलना गरेको देखिन्छ । गीतको रेकर्डिङ ए लेभल स्टुडियोमा भएको हो भने संगीत संयोजन सञ्जय हमालको रहेको छ ।
“अहिले चार्डपर्ब लक्षित थुपै्र सृजनाहरु बजारमा आएका छन् र दर्शकहरुले मन परााईरहनुभएको पनि छ तर मैले कुनै विशेष अवसरलाई लक्षित नगरेर सबै ऋतु र समयमा सुन्न वा हेर्न मिल्नेगरी यो प्रस्तुति प्रस्तुत गर्ने कोशिस गरेको हुँ” । शर्मा बताउँछन् ।
विष्णु ठकुरीको छायांकन तथा निर्देशन रहेको गीतको भिडियोलाई उदयराज शर्माले नै सम्पादन गरेका हुन् भने सुजल श्रेष्ठको रंग संयोजन रहेको छ ।
म्यूजिक भिडियोका निर्माता आर्यव शर्मा र आरध्या लक्ष्मी शर्मा रहेका छन् । भिडियोमा पूजा सोनी, उदयराज शर्मा र रवि अर्यालको अभिनय रहेको छ । डच मिडिया प्रा. लि अनामनगरको प्राबिधिक संयोजनमा यो गीत तयार पारिएको हो ।
