ललितपुर, साउन १
ललितपुर इमाडोलस्थित रातामकै चोकबाट जुवातास खेलेको आरोपमा प्रहरीले ५ जनालाई पक्राउ गरेको छ ।
पक्राउ पर्नेहरुमा २५ वर्षीय साजन गिरी, ३३ वर्षीय तस्वीर श्रेष्ठ, ३५ वर्षीय खेमबहादुर बुढाथोकी, ३७ वर्षीय निल श्रेष्ठ र ३५ वर्षीय याङ्वा शेर्पा छन् ।
उनीहरु सबै जना इमाडोलका रहेको जिल्ला प्रहरी परिसर ललितपुरले जनाएको छ ।
उनीहरुलाई आइतबार राति ७ बजे रातामकै चोकको मामा भाञ्जा खाजा घरबाट प्रहरीले पक्राउ गरेको हो । उनीहरुबाट १ लाख ८५ हजार १६० रुपैयाँ बरामद भएको छ ।
