ललितपुर, जेठ ४
ललितपुरको खोकना स्थित एक घरमा कोही नभएको बेला गहना र आइफोन चोरीमा संलग्न केहि व्यक्तिलाई प्रहरीले पक्राउ गरेको छ ।
प्रहरीले ललितपुरको ललितपुर महानगरपालिका-२१ खोकनास्थित नवराज गुरुङ्गको घरमा कोही नभएको समयमा सुन चाँदीका गरगहनाहरू, नगद तथा आइफोन चोर्ने दुईजनालाई बिहीबार पक्राउ गरेका हो ।
पक्राउ पर्नेमा रामेछाप घर भई ललितपुरको खुमल्टार बस्ने कमल थापा मगर र धनलाल मगर रहेका छन् । उनीहरूले गत वैशाख ७ गतेदेखि ९ गतेको बिचमा उक्त घरबाट सामाग्रीहरू चोरी बिक्री समेत गरेका थिए ।
काठमाडौं उपत्यका अपराध अनुसन्धान कार्यालयका अनुसार उनीहरूलाई पक्राउ गरी थप अनुसन्धान गर्दा सिन्धुपाल्चोकको मेलम्ची नगरपालिका ६ घर भई काठमाण्डौँका बुढानिलकण्ठ नगरपालिका ११ कपन बस्ने सुवास सुनार र सोही नगरपालिका ५ घर भई काठमाडौंको कागेश्वरी मनोहरा नगरपालिका ६ मुलपानीमा सुन–चाँदी पसल संचालन गरी बस्ने रेशम बि.क पनि पक्राउ परेका छन् ।
