ललितपुर, बैशाख ३०
महालक्ष्मी नगरपालिका १० को नवनिर्मित कार्यालय भवन प्रतिनिधि सभाका सम्माननिय सभामुख देवराज घिमिरेबाट समुद्घाटन सम्पन्न भएकाे छ । कार्यक्रमका प्रमुख अतिथि सम्माननिय सभामुख देवराज घिमिरे मुलुकमा रहेका सांस्कृतिक र प्राकृतिक सुन्दरताको प्रचारप्रसार गर्दै पर्यटन प्रवर्द्धनमार्फत समृद्धि हासिल गर्न सबै एकजुट भएर लाग्नुपर्ने बताएका छन् ।
यस्तै, विशेष अतिथि संघिय सांसद माननीय प्रेम महर्जनले प्रतिनिधिसभा सदस्य प्रेमबहादुर महर्जनले ग्वार्कोबाट पनौतीसम्म पुग्ने यहाँको सडकलाई स्तरोन्नति गरेर सहज बनाउने कार्यमा लाग्ने र यहाँको पर्यटन विकासमा क्रियाशील रहने बताए ।
बागमती प्रदेश स्वास्थ्य मन्त्री माननिय रामेश्वर श्रेष्ठ, नगर प्रमुख हरिगोबिन्द श्रेष्ठ, उपप्रमुख लक्ष्मी महर्जन, प्रमुख प्रशासकिय अधिकृत प्रदिप पौडेल, शिक्षा निर्देशक चिरञ्जीवी पौडेल ज्यु १ देखि १० न. सम्मका वडा अध्यक्षहरू, कार्यपालिका सदस्यहरू, वडा सदस्यहरू, कर्मचारी, जनसमुदायहरू, मिडिया कर्मिहरू सुरक्षाकर्मीहरू विभिन्न राजनिती पार्टीका प्रतिनिधिहरू सामाजिक व्यक्तित्वहरूको उपस्थितिमा सम्पन्न भएकाे थियाे ।
