काठमाडौं, माघ ५ / सन्तोष बजगाई
श्रीकृष्ण प्रणामी मन्दिर ढुंखर्कमा श्री राजश्यामाजीको स्थायी राज्जी पद्रावनी कार्यक्रम माघ ७ गते आईतवारका दिन हुने भएको छ ।
काभ्रेपलान्चोक जिल्लाको प्राकृतिक रमणीय स्थल बेथानचोक गाउपालिका २ स्थित श्री कृष्ण प्रणामी मन्दिर ढुंखर्कमा माघ ७ गते प्रमुख तिर्थ स्थल नेपालको केन्द्रिय धाम नवतन धामका गादिपती परमपुज्य बाबाजी सन्त श्री १०८ अमृतराजजी महाराजको पावन आगमन हुने भएको छ।
उक्त पद्रावनी कार्यक्रम श्री कृष्ण प्रणामी मेहेर सागर कृपासिंधु गुरुकुल आस्रमका संरक्षक साहित्यचार्य श्री जनार्दन शास्त्री महाराज, बिदुषी माता उषा घिमिरे, श्रीकृष्ण प्रणामी समाज काभ्रेका आध्यात्मिक प्रबक्ता शास्त्री सुदर्शन तिमल्सिना, धर्मप्रचारक गुरुजि घनश्याम शास्त्री, श्रीमान्निजान्द ब्रम्हा सभा भवन तथा श्रीकृष्ण प्रणामी मन्दिर भक्तपुर कटुन्जेका संरक्षक पण्डित तुलसी कोइराला साथमा नेपाल सरकारका पुर्व उद्योग राज्य मन्त्री तथा वर्तमान बागमती प्रदेशका सांसद माननीय कन्चन चन्द्र बादे श्रेष्ठको बिशेष उपस्थितिमा हुन लागेकाे हो ।
